Ein chti au Maroc

Y a pont à dire, mais ch'est bien, un voyach' in avion !

Té montes à Bruxelles, i pleut, t'as frod,

Tros heur'es après, té déchins à Agadir, i fait bon

Vit', t'inlief et’pitite laine tell'mint i fait caud.

A l'sortie d’l'aéroport, t'as déjà ein' dijaine ed Marocains

Qui, bien polimint, t’demindent si faut porter tes bagaches.

Ti, t'as pont l'habitud', forchémint, cha t'surprind.

I suffit d' leur donner quèques dirhams et i sont fin bénaches.

El première cosse qu't'armarques in arrivant à Agadir,

Ch'est qu'tout i est vert, fleuri, parfeumé, ch'est l'été.

El ville al est toute neufe , ch'est magnifique, i faut l'vir'.

J'ai jamais vu autint d'hôtels au kilomètre carré.

I n'ont pont voulu arconstruire el nouvell' cité

Sur les restes d'l'ancienne qui est complét'mint démolie.

Du consulat d’France, i n’resse  faut que ch' l'escalier

De ch'tremblemint d' terre, d'in parler, i n’ont pont fini.

Al étot située jusse darrière ch' port ed pêque

Et quand té montes, tout in haut, visiter l' casbah

Té vos fin bien tout' ches ruines, t'as t' bouque  toute sèque

Quand  té pinses qui y a eu là 20 000 morts, t'in es tout pantois.

Mais, diu merci, Agadir, cha n'est pont que cha.

Ch'est neu, ch'est biau, cha groulle ed vie.

El deuxième cosse qui t'saute  aux yux, là-bas,

Ch'est qu’circule, dins chés rues, ein nompe faramineux d’taxis.

I en a gramint d’rouches et des Mercédès.

Mais, quand in té l'esplique, té comprinds fin bien.

N'ayant, dins leurs mains, qu’peu d'espèces

Cha coûte  moins querre de s' payer ch'taxi, ch'est deux fos rien.

Faut dire, qu'au Maroc, y a deux catégories d’gins.

Ches très très pauffes et ches fort fort riches.

Ch’est pont mi qui l’dit, ch’est nou guite marocain.

Au mitan des deux, cha ar'san-ne  à ein' grante friche.

J' m'in vas vous donner ein exemple, o z’allez miux comprinte :

Comme dijot m' grand mère, té parles, té parles, in n’comprind rien.

Donne-nous des cosses précisses, in va plus s'intind'

Et fais ches gesses aveuc, cha s'ra fin bien.

Donc, quand in vous mein-ne dins l'ville ed Marrakech

In vous fait visiter deux quartiers. Ch'ti aveuc ein biau palais

Tout à l'intour circulent à grand bruit ches calèches

In s'creurot dins ein conte des  Mille et ein' Nuits. In crot rêver.

Et in vous conduit dins ches souks, tout jussse après.

Pour avoir ein' pitite idée, imaginez-vous au mitan d'ein' ruch'

Cha fourmile, cha bourdon-ne, cha travalle tout l'jornée,

Et n' cro-iez surtout pont qu' ches tourisses i  s' much’tent

Faut les vir' raviser ché gins travailler dins leus cagibis !

Et ch' té prinds des photos et ch'té d'minde chi ou cha

Mi, à leu plach,  ch' t'inverros gal'ter leu fourbi ;

Mais i n'font meim-me pont attention, pour vife i n'ont qu' cha.

C'pindant, i  n’a qui ont d’l'or dins leus mains.

Aveuc tros fos rien et quèques outieux  dérisoires

I t' fabriqu’tent ein lampadaire, ein' commote et tout l' saint frusquin.

Bref, quand té vouos cha fini, té cros vir' des oeuffes d'art.

El Marocain, ch'est l' roi du commerce,  du courach' et de l’débroulle

J'in ai vu, au long d'ein temps, armonter des cageots d’sardines de  ch'port

Dsus des vélos, ch' té donne m' parole, rouillés, pourris jusqu'à l 'doulle

Des dijaines ed voyaches par jour qui faijotent, edsous 1' solé  incor.

Enfin, aveuc ein guid' et ein conducteur marocains, in est parti dins l' désert,

Dins ein' jeep , dsus ein' pist' du Dakar, in a roulé.

Cheux qui z'in font leur métier, i n'manqu’tent pont d'air

Pasque la-dsus,  pire et qu'dins ein shaker in est escoué.

Mais quand cha s'arrête et qu'té déchinds, mon diu, in dirot l’paradis.

Presque  person-ne, pont d'circulation, ein grand silence, t'arvis.

J's'ros bien resté ein' semaine intière, à crapahuter dins ches dunes,

A respirer el’grand air, à m'couquer dsus ch’sape,  au clair ed lune.

Jé  n’gard'rai du Maroc et des Marocains que’des bons souvenirs.

In  m' arnallant, dins ch' l' avion, j'ai ravisé ein' dernière fos les leumières d'Agadir

Et, tros heures après, quand à s'mason in s'est artrouvé

Que j'étos-ti contint d'arvir min cher Pas d' Calais.

Max Ramecourt - janvier 2005 -

Agadir

(texte et photos internet)

Agadir est le premier centre touristique balnéaire au Maroc. Son histoire a débuté au XVIème siècle lorsque les Portugais établissaient un comptoir commercial et une forteresse qu'ils ont appelés Santa Crus du Cap de Gué en 1505. Cette forteresse était une étape maritime des Portugais vers l'Inde. Mohamed Ech Cheikh, fondateur de la dynastie Saâdienne, a libéré la ville des Portugais en 1541. Son fils, trente ans après a édifié la Casbah qui domine encore l'océan afin d'éviter le retour des Portugais.

Agadir est située dans la riche plaine de Souss qui a un énorme potentiel en agriculture ce qui a permet aux sultans Saadiens d'assurer l'âge d'or d'Agadir jusqu'au XVIIème siècle. La ville était connue par l'exportation des dattes, cires, épices et or.

La ville connaît une vie normale jusqu'en 1911 ou les Allemands voulaient créer une base navale; les Français s'opposaient, ce qui donna la signature de la convention du 4 Novembre 1911 entre la France et l'Allemagne.

La ville d'Agadir a été une étape pendant le voyage de Saint-Exupéry lors de sa traversée de l'Atlantique en 1930. Le 29 Février 1960, un tremblement de terre détruisa la ville. Après ce drame la reconstitution de la ville commence, les architectes les plus célèbres se sont unis pour faire de la ville l'une des plus modernes au Maroc.

Sa Casbah, qui domine la ville, témoigne encore du passé glorieux de la ville. Mais a présent plusieurs édifices font la renommée de la ville notamment le port de pêche considéré comme 1er port exportateur de Sardine au Maroc, un musé d'art traditionnel permet au visiteur d'avoir une idée sur l'art et les traditions berbères du Sud. Aussi les environs de la ville sont des étapes pour la découverte de l'histoire et des traditions berbères, notamment à Tiznit, Taroudant et Tafraout.

Agadir est aujourd'hui la 1ère station balnéaire marocaine et l'une des destinations phares du tourisme international.

Jardin Mémorial du  tremblement de terre de 1960