1. Comme ches galibots dé m’génération,
A douze ans, j’ai dévalé "au carbon".
T’as pas voulu que ch’déchinde plus longtemps,
Et pour cha j’dos t’armercier, min père.

2. Ed tin temps, in n’se posot pas d’question :
Ches jeunes, comme ches vieux i z’allotent au fond.
Quand t’as eu l’âche, ch’ n’étot pas un mystère,
Et’ jeunesse, elle a passé sous terre, min père.

3. Armonté au jour, té devenos bon à tout,
Avec tes bras, té raccommodos tout din l’mason,
Dans tin gardin, t’allos pour et’ distraire,
Je n’tai jamais vu t’arposer, min père.

4. Et l’ traval, chétot l’sort ed nous taïons.
T’as eu drot à ches souffrances, à ches gnons !
T’as saqué dur pour qu’on n’euche pas misère.
J’ai eu d’el chance équ’chétot ti, min père.

5. T’as connu l’guerre, t’as été prisonnier longtemps,
Et pourtant t’as gagné l’ batalle ed’carbon.
Mais tes poumons y s’ont pris del poussière,
T’as sacrifié l’mitan de t’vie, min père.

6. T’as pas gramint connu ches distractions,
Parties d’échecs, parties d’piquet, ch’étot t’récréation.
Et l’fosse, depuis, alle t’a rappelé ed sous terre,
A cause d’elle, t’es pu avec mi, min père.

    Prades, le 28 octobre 2001
              Abel Lugez